Зээрэнгийн хийд нь 1700-д оны үед байсан томоохон хийдийн туурь балгас юм. Уг хийд нь Бээжингээс Ховдын хязгаар хүртэл өртөө улаа нэхэж байсан харчин овгийн хүмүүсийн шүтэж дээдлэж ирсэн хийдүүдийн нэг юм. Уг хийдийн гол шүтээн нь “Арван хангал” бурхан байжээ. Зээрэнгийн хийд нь хоёр талдаа жижиг дугантай голдоо ном хурдаг том сүмтэй эргэн тойрон 20 гаруй сүм дуганатай 200-300 орчим лам нар хүрээлэн буусан томоохон хийд байсан байна.